Sunday, September 03, 2006

हे योद्ध्या.....

मागच्या महिन्यात लास व्हेगास एअरपोर्ट वर रात्र जागून काढावी लागली तेव्हा आवर्जून फोन करुन रंजूला 'तुझ्या गावात' आहे हे सांगितलं होतं......

नेहमीप्रमाणे तू दु:ख देउन गेलास - ९२ मध्ये विंबल्डन जिंकुन आणि आज यु.एस. ओपन मध्ये हरुन.....
तुझ्या जिंकलेल्या प्रत्येक सेट वर २५ जोर मारुन उपयोग झाला नाही. तू तिसरा सेट घेतल्यावर - उद्या काहिही करून 'फ्लशिंग मेडोज' वर रॉडिकशी मॅचच्या वेळी असेन असा नवस बोलुनही.....

तुझा शेवट अटळ होता.
तुझ्या प्रत्येक पावलावर अश्रु - विधिलिखित होते.
पण मागचा आठवडाभर तू जिवापाड झुंजलास.
तुझ्या व्यक्तिमत्वाला साजेसा.......

तू म्हणालास - हा स्कोअर बोर्ड सांगतोय मी हरलो, पण तुम्ही मला जिंकवलं........
तुला काय माहित - तू आवडूनही तुझा प्रत्येक पराभव मी कसा 'प्रेडिक्ट' केला होता.......
तुझं करियर.
तुझं पहिलं लग्न.
तुझं टक्कल.
आणि जेव्हा तू 'डाउन ऍंड आऊट' होतास तेव्हा मी तुला कसं 'हाऊ ऑब्व्हियस!' म्हणुन वगळून टाकलं होतं.
तुझ्यासाठी - मॅव्हरिक, बॉर्न गॅंब्लर, बस्ट - अशी विशेषणं तयार ठेवली होती........
पण तू -
तू लॉजिक डिफाय करत, लढत, खेळत, जिंकत राहिलास!
तुझ्या युद्धात स्कोअरबोर्ड होता -
माझ्या युद्धात नव्हता, नाही.
असता तर बहुतेक मॅचेस मध्ये पाच-पाच सेट्स, टायब्रेक्स, तुझ्यासारखा बेसलाइन प्ले आणि कुणास ठाउक तुझ्यासारखी झुंज दिसली असती.....
प्रेडिक्शन्स डिफाय करत माझीही लढाई चालू आहे.
सांगायचा तेव्हा माझा स्कोअरबोर्ड सांगायचं ते सांगो, पण तू मला वेळोवेळी जिंकवलंस.....जिओ!

बेशिस्त बुद्धिमत्तेला वश करुन जिद्दिच्या बळावर जग जिंकता येतं - तू शिकवलंस.
तुफान फाइट मारुनही पराभव झाला तर (आणि विजय झाला तरीही) 'इट्स ओ.के. टु क्राय' - तू शिकवलंस.
वेळोवेळी राखेतुन झेप घेऊन - 'जीवनाबद्दल उमेद बाळगा - जीवन तुम्हाला उमेद देईल' हे वचन 'स्वगत' मध्ये खोटं पाडणाऱ्या दळवींना हरवता येऊ शकतं - तू शिकवलंस.
भल्याभल्यांशी भिडून तगता येतं - तू शिकवलंस.
ओव्हरअचीव्हिंग पोरीशी लग्न करुन जगता येतं - तू शिकवलंस.
आणि हे सगळं निकोप मनाने करता येतं - हे ही तूच शिकवलंस.

आज तू आमचे आभार मानलेस - तुझी स्वप्नं पहायला तुला आमच्या खांद्यावर उभं राहू दिल्याबद्दल.....
पण त्या बदल्यात तू आम्हाला वेळोवेळी जी उमेद दिलीस, त्राग्या, त्रासातून आई-पप्पा, रंजू बरोबर (जेवणं खोळंबवून) जे क्षण दिलेस, आणि थरथरती वात तेवायला जी धगधगती मशाल दिलीस - त्याबद्दल - तुझे आभार!

२१ वर्ष मॅन.....
मला 'कळायच्या आधीपासुन' लढणाऱ्या योद्ध्यांपैकी तू शेवटचा.
शेवटचा पॉइंट जिंकणारा जिथे विजेता ठरतो अशा खेळात आज शेवटचा शब्द तुझा!

लढ.

7 comments:

  1. well written, mama.. I didn't know u liked Agasi so much.!

    ReplyDelete
  2. Well, thanks for the comment and as I was telling someone yesterday - the purpose of KEOB (Knowing Each Other Better) is being served!
    I am a fan of too many people and the list keeps on increasing. Very few people drop out of that list - I call them 'False Idols'. I guess that will make a nice topic for some other post :)

    ReplyDelete
  3. Good one mama...Chalo, ek aur career / chapter is over... I used to get upset and senti over these things before... Time has taught me to look ahead.

    Come on guys.... There is that kid from Spain - Rafael Nadal who is making life difficult for that "would be legend" Roger Federer!

    Agassi may have bowed out - three cheers to his long and sparkling career - but tennis lives on and is in good hands.

    I am dying to see Nadal and Federer in another grand slam final - French Open was awesome... Wimbledon was even more nerve wracking... What is in store at Flushing meadows???

    Lets see! :-)

    Baba.

    ReplyDelete
  4. Hi,

    Nice articles.. :) Ekdam gappa marlya sakha vatta...I will add llink of your blog on mine..
    Sorry to say. mala aggasi ani steffi graph doghahi ajibat awadat nahit... aggasi ek wel parwadala pan steffi graph tar nahich... lihin kadhi tari tya baddal :)
    u keep posting nice articles..

    ~Parag

    ReplyDelete
  5. मस्त लेख. तुमच्या ब्लॉगवर आत्तापर्यंत आवडलेला सगळ्यात चांगला लेख.

    "बेशिस्त बुद्धिमत्तेला वश करुन जिद्दिच्या बळावर जग जिंकता येतं - तू शिकवलंस."

    हे जमल्यास आणि काय हवं!

    ReplyDelete
  6. आज पुन्हा वाचलं. लिहिणं का थांबवलं आहे? लिहित रहा..

    ReplyDelete